Era necròpsia ditz que Cachou aurie perdut era vida peth atac d'un aute os e ua queiguda de 40 mètres

Er os Cachou aurie morit, probablements,  per ua agression produsida per un aute os e per ua queiguda d’uns 40 mètres per un terren fòrça escarpat. 

Aguest ei eth resultat preliminar qu’a balhat eth servici d’Ecopatologia de Fauna Sauvatge dera Universitat Autònoma de Barcelona dempús d’auer-li practicat era necròpsia ar os Cachou. 

Encara ei de besonh realizar ath cadavre mès pròves, per açò encara non se pòt descartar de forma definitiua cap d’auta opcion que pogue èster restacada damb era mòrt der animau.  

Cachou, un mascle joen de 6 ans, ère fòrça coneishut pes diuèrsi atacs fatals ath bestiar des ramadèrs en país. Un animau, qu’ath delà, auie ua especiau debilitat pes equins. 

Per un aute costat, des deth Govèrn d’Aran s’apòste pera legalitat un còp se sàpie de forma definitiua era causa dera mòrt de Cachou. 

Arrebrembam qu’eth cadavre deth plantigrad siguec trapat e arremassat en Les era passada setmana pes agents deth miei ambient deth Conselh Generau.

Un prètzhèt que se realizèc dempús d’observar a trauèrs deth colièr damb GPS implantat en animau, qu’aguest non se botjaue des d’hège dies.