Era naua capsula formatiua deth CEI balhe coneishences sus coma redusir es despenses

Eth Centre d’Empreses Innovadores dera Val d’Aran a organizat ua naua capsula formatiua gratuïta entà arténher coneishences sus coma redusir es despenses. Aguesta formacion ei adreçada a trabalhadors autonòms, trabalhadors per compde d’auti e trabalhadors en situacion de caumatge. Eth sòn objectiu ei balhar estrategies entara reduccion de còsti, atau coma tecnicianes sus coma agranir eth marge d’activitat e incrementar eth prètz de venta.

Pendent eth cors tanben s’aufriràn estrategies sus coma negociar damb provedidors e sistèmes de contròl de còsti e sus coma hèr un plan de productivitat. Un aute des ahèrs deth que fòrça se parle darrèraments ei eth der impacte dera digitalizacion enes empreses e coma aprofitar-la entath benefici des negòcis.

Era capsula sus coma redusir era despesa ei organizada peth Conselh Generau d’Aran, era Fondacion Coell e eth madeish CEI Val d’Aran. Era pròplèu session deth cors, que se demore mès practica e participatiua, serà eth dimars 27 de noveme de 16:30 a 20:30 dera tarde.