AUE TV
    1. AUE TV

    Era jornalista aranesa, Lissa Escala, Prèmi Robèrt Lafont 2022

    13/12/2022

    Eth Prèmi Robèrt Lafont 2022, qu’autrege eth Departament de Cultura ara promocion dera lengua occitana, prèmie ex-aequo ath lingüista Xavier Lamuela e ara jornalista Lissa Escala

    Eth Departament de Cultura a anonciat es verdictes dera nauau edicion des prèmis Pompeu Fabra, de foment dera accion dera societat civiu en impuls deth catalan, e dera setau edicion deth prèmi Robèrt Lafont, ena arreconeishença de persones o entitats que s’agen distinguit pera defensa, projeccion e promocion dera lengua occitana. Era directora de cinèma Carla Simón, era activista Shazra Javed, eth volontari lingüistic Jordi Esteban e eth sociolingüista Miquel Strubell i Trueta, a títol postum, son es laureadi dera edicion de 2022 des prèmis Pompeu Fabra. Tanben an arrecebut aguesta arreconeishença eth canau Fibracat TV, eth jòc Paraulògic e eth portau de recorsi lingüistics der Institut d’Estudis Catalans. Er acte de liurament se harà eth 19 de deseme en Palai Marc.


    Prèmi Robèrt Lafont


    Eth setau Prèmi Robèrt Lafont 2022 prèmie ex-aequo a Xavier Lamuela, lingüista e sociolingüista, e a Lissa Escala, jornalista e pionèra dera ràdio en aranés. Era jurada a metut de relèu era longa dedicacion d’ambdues persones ara coneishença e foment der aranés, autant d’ua perspectiva academica e scientifica coma de promocion e dinamizacion sociau entath sòn usatge.


    HÒNT: ARAN NOTÍCIES WEB
    Manu Moga
    Tornar