Era Intelligéncia Artificiau s'emplegarà entara prediccion de lauegi en Aran
Un modèl qu'a ua efectivitat deth 70% ath 75%.
Era Intelligéncia Artificiau (IA), se some ath trabalh deth Centre de Lauegi tà predir lauegi damb major precision. Es sòns tecnics pòrten diuèrsi ans en tot testejar un modèl en Soïssa.
Aguesta airina se base en algoritmes que procèssen donades meteorologiques e deth mantèu nivau que capten sensors en diuèrsi punts dera region. Eth sòn entrenament, basat en 20 ans de donades recopilades en Soïssa - includidi butletins de lauegi e observacions dirèctes-, permet arténher un nivèu de precision propèr ath deth critèri uman.
Era efectivitat deth modèl ara ora de hèr prediccions ena Val d’Aran ei d’entre un 70 e un 75%. Açò ei pr’amor qu’eth mantèu nivau aranés compartís caracteristiques damb eth des Alps.
Es predictors deth Centre de Prediccion de Lauègi deth Conselh Generau d’Aran, ath delà d’emplegar modèls informatics, tanben hèn dus dies per setmana de gessudes en camp.
