Era escòla mairau “Era Cunhèra” de Vielha torne ara normalitat eth pròplèu deluns

Es alumnes e professors dera linha de P2 dera escòla mairau "Era Cunhèra" tornaràn ara normalitat eth pròplèu deluns 28 de seteme dempús d'auer passat era quarentena obligatòria de dètz dies, que finalize aguest dissabte.

Un positiu en grop de professors obliguèc a isolar autant as alumnes coma as mèstres dera linha. Posterioraments, se les realizèc es pròves PCR apertientes, en tot seguir es protocòus en vigor establidi pera Generalitat de Catalunya. Toti es resultats an estat negatius, de manèra que pòden tornar ara normalitat, sense lamentar naues contagions.

HÒNT: AJUNTAMENT DE VIELHA E MIJARAN