Era Comission Executiva d’Unitat d’Aran designe a Juan Antonio Serrano coma representant ena Deputacion de Lleida
26/06/2023
Juan Antonio Serrano a estat trigat pera Comission Executiva d’UA entà aucupar eth cargue de vicepresident tresau dera Deputacion de Lleida aguesta legislatura en tot constituir atau eth grop d’Unitat d’Aran en aguesta institucion. En aguest sens, Serrano, actuauments alcalde de Vielha e Mijaran, a presentat aué era sua renóncia ath cargue de Conselhèr Generau
Era Comission Executiva d’Unitat d’Aran a designat per unanimitat a Juan Antonio Serrano, coma representant deth partit ena Deputacion de Lleida. Atau donc, dempús der acòrd artenhut entre ERC, PSC, PL e UA, Unitat d’Aran a trauès de Juan Antonio Serrano, ostentarà era vicepresidéncia tresau dera institucion e assomirà era cartera de torisme a trauès deth Patronat de Torisme des Tèrres de Lleida.
Aguesta ei era tresau legislatura consecutiva ena qué Unitat d’Aran artenh representacion e grop pròpri ena Deputacion de Lleida. Ena legislatura deth 2015-2019, representada per Paco Boya, e ena legislatura 2019-2023 representada per Amador Marqués. Pendent aguesti 8 ans ena Deputacion de Lleida, Unitat d’Aran a artenhut projèctes e inversions de grana importància entà Aran. Entre eri en destaquen: era passarèla de Les, era aportacion de 100.000eur annaus tath mantenement deth Palai de Gèu, es naui equipaments en Espitau Val d’Aran coma eth nau TAC (234.000eur) e era incobadora (92.000eur), era caudèra de biomassa e sistèma de calefaccion (543.000eur), eth nau blòc obstetric (460.000eur) e eth compromís des òbres de reforma dera codina der espitau (318.000eur), es òbres de melhora ena carretèra de Vilamòs e eth projècte d’adequacion dera segona part d’aguesta carretèra, era collaboracion en competicions esportives estrategiques entath país, era melhora e mantenement de camins, eth renauiment deth lumenat public, era melhora de carrèrs e eth renauiment e adequacion d’equipaments coma es òbres dera glèisa de Sant Joan d’Arròs, ampliacion de cementèris, renauiment des hilats d’aigües, eca, damb es plans de Cooperacion municipau e de Salut.
Aguest balanç demòstre, a diferéncia de çò qu’a passat quan Convergéncia Aranesa a auut representacion ena Deputacion de Lleida tot e compartir color politic damb eth govèrn d’aguesta institucion, qu’entà UA èster present ena rèsta d’administracions e institucions, ei era manèra d’arténher melhores entà Aran e entara qualitat de vida des aranesi e araneses, atau coma a passat per exèmple damb eth mantenement deth Palai de Gèu, quauquarren reclamat istoricament, e que finauments artenhec Unitat d’Aran pendent eth mandat de Paco Boya coma Deputat provinciau.
Juan Antonio Serrano a volut arregrair era confidança d’Unitat d’Aran en tot híger que “trabalharè entà qu’era Deputacion de Lleida seguisque están un supòrt essenciau tàs municipis aranesi. Ei per aquerò qu’entà poder dedicar-me damb era intensitat que merite autant er Ajuntament de Vielha e Mijaran coma era Deputacion de Lleida, è presentat era mia renóncia coma conselhèr deth Conselh Generau d’Aran. Creigui qu’era mia experiéncia en mon deth torisme, autant a nivèu privat, coma era qu’è aquerit pendent aguesti ans a nivèu public, son un vagatge important tà desvolopar aguest nau prètzhèt”.
HÒNT: UNITAT D'ARAN
Aguesta ei era tresau legislatura consecutiva ena qué Unitat d’Aran artenh representacion e grop pròpri ena Deputacion de Lleida. Ena legislatura deth 2015-2019, representada per Paco Boya, e ena legislatura 2019-2023 representada per Amador Marqués. Pendent aguesti 8 ans ena Deputacion de Lleida, Unitat d’Aran a artenhut projèctes e inversions de grana importància entà Aran. Entre eri en destaquen: era passarèla de Les, era aportacion de 100.000eur annaus tath mantenement deth Palai de Gèu, es naui equipaments en Espitau Val d’Aran coma eth nau TAC (234.000eur) e era incobadora (92.000eur), era caudèra de biomassa e sistèma de calefaccion (543.000eur), eth nau blòc obstetric (460.000eur) e eth compromís des òbres de reforma dera codina der espitau (318.000eur), es òbres de melhora ena carretèra de Vilamòs e eth projècte d’adequacion dera segona part d’aguesta carretèra, era collaboracion en competicions esportives estrategiques entath país, era melhora e mantenement de camins, eth renauiment deth lumenat public, era melhora de carrèrs e eth renauiment e adequacion d’equipaments coma es òbres dera glèisa de Sant Joan d’Arròs, ampliacion de cementèris, renauiment des hilats d’aigües, eca, damb es plans de Cooperacion municipau e de Salut.
Aguest balanç demòstre, a diferéncia de çò qu’a passat quan Convergéncia Aranesa a auut representacion ena Deputacion de Lleida tot e compartir color politic damb eth govèrn d’aguesta institucion, qu’entà UA èster present ena rèsta d’administracions e institucions, ei era manèra d’arténher melhores entà Aran e entara qualitat de vida des aranesi e araneses, atau coma a passat per exèmple damb eth mantenement deth Palai de Gèu, quauquarren reclamat istoricament, e que finauments artenhec Unitat d’Aran pendent eth mandat de Paco Boya coma Deputat provinciau.
Juan Antonio Serrano a volut arregrair era confidança d’Unitat d’Aran en tot híger que “trabalharè entà qu’era Deputacion de Lleida seguisque están un supòrt essenciau tàs municipis aranesi. Ei per aquerò qu’entà poder dedicar-me damb era intensitat que merite autant er Ajuntament de Vielha e Mijaran coma era Deputacion de Lleida, è presentat era mia renóncia coma conselhèr deth Conselh Generau d’Aran. Creigui qu’era mia experiéncia en mon deth torisme, autant a nivèu privat, coma era qu’è aquerit pendent aguesti ans a nivèu public, son un vagatge important tà desvolopar aguest nau prètzhèt”.
HÒNT: UNITAT D'ARAN
Manu Moga