Era Comission d'Urbanisme der Alt Pirineu apròve era expansion de Baqueira-Beret ena Peülla

Era Comission d’Urbanisme der Alt Pirineu a aprovat eth plan especiau urbanístic que permeterà a Baqueira-Beret era sua expansion en parçan dera Peülla.Aguest nau projècte facilitarà eth bastiment d’un totau de 4 telesères en aguest airau deth Pallars Sobirà, damb un endret d’aparcatge e de servicis, en tot auer ua connexion dirècta damb era carretèra comarcau C-28. Aguest projècte se vedec arturat pr’amor qu’un des telesères passaue pera part periferica deth parc naturau d’Aigüestòrtes. Baqueira-Beret decidic redusir era superfícia parciauments, e en totau er airau compdarà damb 232 ectares.

Eth projècte d’expansion de Baqueira-Beret ena Peülla s’executarà en 3 estapes de 6 ans cadua damb ua inversion de 22.800.000 €. Ua actuacion que facilitarà era projeccion dera estacion d’esquí aranesa non sonque tara comarca vesia, senon as esquiaires que poguen vier d’Andòrra o de d’autes ciutats mès aluenhades coma Barcelona.

Se tot va segontes lo previst, eth projècte executiu serie aprovat enes pròplèus mesi, e de cara ara primauera, quan era sason d’esquí age finalizat, ei quan se començarie a desvolopar aguest projècte.