Era Bibliotèca Generau de Vielha celèbre eth sòn 20au aniversari
22/11/2021
Deth 23 ath 26 de noveme i aurà desparières activitats culturaus en aguest equipament: iòguicondes, espectacle de manuquètes e eth liurament des prèmis de fotografia e de microrelats
Era Bibliotèca Generau de Vielha a hèt public eth pannèu damb es actes de celebracion deth sòn 20au aniversari organizadi per airau de cultura der Ajuntament de Vielha e Mijaran. Enguan, aguesta hita aurà lòc pendent era setmana deth 23 ath 26 de noveme.
Er aniversari se comencèc hè ues setmanes damb un parelh de concorsi. Per un costat, era 6au edicion deth Concors de Microrelats a trauès deth hilat sociau Twitter. Entà participar calie que cada usatgèr d’aguesta plataforma seguisse eth compde dera Bibliotèca, e que ’piulesse’ un relat de 280 caràcters. Enguan, era tematica escuelhuda entath concors siguec “Er univers ena sua magnitud”, en tot èster un microrelat de creacion pròpria e que non age estat premiat en d’auti concorsi.
Er aniversari se comencèc hè ues setmanes damb un parelh de concorsi. Per un costat, era 6au edicion deth Concors de Microrelats a trauès deth hilat sociau Twitter. Entà participar calie que cada usatgèr d’aguesta plataforma seguisse eth compde dera Bibliotèca, e que ’piulesse’ un relat de 280 caràcters. Enguan, era tematica escuelhuda entath concors siguec “Er univers ena sua magnitud”, en tot èster un microrelat de creacion pròpria e que non age estat premiat en d’auti concorsi.
Ath delà, tanben se celebrèc eth 5au Concors de fotografia “Eth mèn repopet”, qu’amie a tèrme era Bibliotèca, amassa damb er Ajuntament e er airau de Pediatria der Espitau Val d’Aran. Aguest concors preten mostrar era vida vidanta des repopets: ath torn deth leitatge maternau, es jòcs, es minjars, eth dromir…
En çò que tanh as activitats pròpries d’aguesta setmana, eth calendari ei eth següent:
- Dimars 23 de Noveme: Entàs 17:30, liurament des prèmis des concorsi de microrelats e de fotografia.
- Dijaus 25 de Noveme: Entàs 17:30, celebracion d’ua naua edicion dera activitat Iòguicondes damb Silvana Penino. I a places limitades. Entà reservar plaça cau trucar ath telefòn 973640768.
- Diuendres 26 de Noveme: Entàs 17:30, espectacle de manuquètes damb eth conde african ABIYOYO, damb era companhia invisible. Ua istòria tipica dera cultura zulú e qu’ei recomanada a compdar des 3 ans.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga