Era Associacion Viles Termals de Catalunya visite Naut Aran e Les

Prumerament s’an apropat entara poblacion d’Arties e an descubèrt es sòns endrets a on an destacat era triple distincion de Vila Florida, Pòble damb Encant e Pòble mès Polit d’Espanha.

Dempús dera visita ara localitat an anat entàs Banhs d’Arties entà gaudir d’un banh des aigües mineromedicinaus dera zòna.

Mès tard, an agarrat mòtos de nhèu e an pujat entath parçan des Banhs de Tredòs entà veir es que son es banhs mès nauti de tota Euròpa.

Pendent era assemblada e plen dera associacion de Viles Termals de Catalonha en Les amassa damb er Ajuntament de Les s’an tractat ahèrs tanplan subergessenti coma era importància des aigües termaus ara ora de tractar pacients damb COVID persistent.

HÒNT: AJUNTAMENT NAUT ARAN