Era Associacion còntra eth Càncer dejà a burèu pròpi ena Val d'Aran

Dejà s’a inaugurat oficiauments eth burèu deraAssociacion Espanhòla còntra eth Càncer dera Val d’Aran, plaçat en Carrèr Sarriulèra numerò 10 de Vielha. Er espaci a estat cedit per Ajuntament de Vielha e Mijaran e en eth s’i realizaràn diuèrses foncions.

Des de ja hè temps, er Ajuntament collabòre damb aguesta associacion a trauès d’ua subvencion as colònies entà mainatges damb càncer que des de hè 18 ans se celèbren en Salardú, mès volien ampliar aguesta ajuda a ua associacion civiu que desvolòpe un servici tan important.

Era Associacion còntra eth Càncer ja hè ans qu’organize diferents activitats ena Val d’Aran, e damb aguest burèu ara auràn un espaci a on desvolopar tot eth sòn imprescindible trebalh.