Era AF Les pèrd 6-1 damb er Alcoletge e encara manten es opcions dera permanença
14/05/2017
Sonque manquen dues jornades tà acabar era competicion e se jogaràn era permanença damb er Aitona
ESPORTS
Les
Era AF Les non a podut certificar es sues opcions matematiques de permanença ena 3au Catalana dempús de pèrder per 6 gòls a 1 en camp der Alcoletge, equipa dera part mieja dera taula e que dejà non se jògue arren. Es aranesi arribauen ath partit damb er objectiu de poder somar beth punt que les apropesse ara sauvacion, mès en cap moment poderen obtier un bon resultat. Dejà ena prumèra part deth partit, eth conjunt locau guanhaue per 4 gòls a 0, dempús de profitar es clares ocasions que creèren, mentre qu'era AF Les non podec materializar cap ocasion des que disposèc.
Ena dusau part, gesseren damb fòrça mès ànims, e dejà ena menuta 47 de partit, Luis Lanza profitaue ua clara ocasion entà plaçar eth 4 a 1 e méter as de Les damb opcions de poder-se apropar en marcador.Mès era illusion durèc pòc temps, pr'amor qu'er Alcoletge amplièc eth resulta damb dus gòls mès enquiath 6 a 1 finau. Ua derròta, que tot e èster plan dura, encara manten es opcions dera AF Les de contunhar un an mès coma equipa dera 3au Catalana.
Ara madeish, son plaçadi ena 16au posicion, tot just un punt per deuant der Aitona qu'ei eth darrèr classificat. Manquen dues jornades entà acabar eth campionat en grop 13 dera categoria, e, per tant, es opcions dera permanença encara son fòrça.
"Auem gessut mau en partit, e sonque quan dejà mos auem vist dejós en marcador ei quan auem sarrat e auem aumentat era intensitat deth nòste jòc. Auem de gésser fòrça mès metuts enes següents partits, entà auer mès opcions d'obtier es punts de besonh entà mantier era categoria. E sò segur de qu'ac podem hèr", comente er entrenador dera AF Les, Martí Rovira.
Era proplèu jornada, era AF Les receberà era dificila visita deth Soses CF, dusau classificat dera taula. Un partit complicat, mès qu'es aranesi auràn de lutar entà apropar-se ar objectiu dera permanença.
Ena dusau part, gesseren damb fòrça mès ànims, e dejà ena menuta 47 de partit, Luis Lanza profitaue ua clara ocasion entà plaçar eth 4 a 1 e méter as de Les damb opcions de poder-se apropar en marcador.Mès era illusion durèc pòc temps, pr'amor qu'er Alcoletge amplièc eth resulta damb dus gòls mès enquiath 6 a 1 finau. Ua derròta, que tot e èster plan dura, encara manten es opcions dera AF Les de contunhar un an mès coma equipa dera 3au Catalana.
Ara madeish, son plaçadi ena 16au posicion, tot just un punt per deuant der Aitona qu'ei eth darrèr classificat. Manquen dues jornades entà acabar eth campionat en grop 13 dera categoria, e, per tant, es opcions dera permanença encara son fòrça.
"Auem gessut mau en partit, e sonque quan dejà mos auem vist dejós en marcador ei quan auem sarrat e auem aumentat era intensitat deth nòste jòc. Auem de gésser fòrça mès metuts enes següents partits, entà auer mès opcions d'obtier es punts de besonh entà mantier era categoria. E sò segur de qu'ac podem hèr", comente er entrenador dera AF Les, Martí Rovira.
Era proplèu jornada, era AF Les receberà era dificila visita deth Soses CF, dusau classificat dera taula. Un partit complicat, mès qu'es aranesi auràn de lutar entà apropar-se ar objectiu dera permanença.
Manu Moga