Er estat d'alarma obligue a suspéner era Shasclada der Haro

Com mèrque era tradicion, eth dusau dissabte de mai eth pòble de Les ei cridat a celebrar eth prumèr des grani actes des Hèstes deth Huec, era Shasclada deth Haro. 

Totun, enguan, Les s’a vist obligat a suspéner aguest eveniment, pr’amor qu’es aglomeracions non son permetudes en aguest estat d’alarma provocat peth Coronavirus en que mos trapam. 

Era Comission d’Hèstes de Les a premanit tot un seguit d’activitats virtuaus entà qu’aguest pròplèu dissabte 9 de mai non sigue un dissabte quinsevolh. En aguest sens, s’a premanit un concurs de diboish o ua serada de pinchopote en casa, entre d’autes activitats. 

Coma participatiua se demore que sigue aguesta estranha Hèsta dera Shasclada vistuau qu’aurà lòc aguest pròplèu dissabte. 

Ath delà dera Shasclada, era Hèira de Primauera, qu’ère programada entath dimenge 10 de mai en Les, tanben s’a agut de suspéner.