Er equip de govèrn de Vielha e Mijaran inície un cicle d'amassades damb es vesins des diuèrsi pòbles deth municipi
04/06/2022
Aguest dijaus, er equip de govèrn der Ajuntament de Vielha e Mijaran a iniciat un cicle d'amassades damb es vesins/ies des diuèrsi pòbles deth municipi, en tot informar sus es accions realizades pendent es darrèri 3 ans, e escambiar opinions damb eri sus es besonhs deth pòble. Aguest cicle s'a encetat en Betren, a on tanben a estat presenta era naua presidenta dera EMD, Vanessa Fandiño.
Precisament, Fandiño informèc des desparières òbres que s'an amiat a tèrme pendent aguesta legislatura, a on destaquen:
- Era milhora dera accessibilitat, e era adeqüacion des hilats d'aigua enes carrèrs Sant Joan e Sant Sernilh: 160.038,92€.
- Era pavimentacion deth carrèr Riuet: 33.318,56€.
- Era reforma deth parcatge soterrat dera sala sociau: 5.428,99€
- Era installacion d'un clorador e ua hònt d'alimentacion en depòsit d'aigua: 6.492,07€.
- Era installacion d'un desfibrilador en exterior dera sala sociau: 4.664,99€
Atau madeish, se parlèc sus es projèctes previsti entàs pròplèu mesi:
- Se milhorarà era accessibilitat e era adeqüacion des hilats d'aigua en carrèr deth Taro.
- Se reformarà era sala sociau: s'apariarà eth solèr, s'installarà ua rampa ena entrada, s'i plaçarà enlumenat LED e se bastirà un lavabo ena prumèra planta, entre d'auti.
- Se pavimentarà eth carrèr Riba de Cal.
- Se trabalharà ena milhora dera ornamentacion pes carrèrs deth pòble, damb plantes e flors.
D'aute biais, Serrano confirmèc qu'enguan s'amiarà a tèrme ua milhora deth trepadèr d'accès ara Escòla Garona, que se trape en un estat maumerenc.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga