Er avocat d'un des dus processadi pera mòrt der os Cachou demane anullar eth cas per supausada parcialitat dera jutgessa
09/03/2023
Era defensa d'A.M.G., un des dus processadi pera mòrt per empodoament der os Cachou en abriu deth 2020, a presentat un escrit deuant eth jutjat de Vielha que sollicite era nulitat des accions "pera mana d'imparcialitat dera jutgessa d'instruccion" en auer coneishença que Cristina Marrero, qu'a passat a exercir coma letrada, publiquèsse eth 19 de junh der an passat ena pagina web ena qu'aufrís es sòns servicis coma avocada un article titolat Dret des Animaus que hè avaloracions sus eth cas.
"Era premsa tractèc era situacion coma un gran auanç en emparament dera fauna protegida, ère era prumèra investigacion d'aguesta intensitat en territòri espanhòu". Tanben afirme que "era realitat der entorn a on se produsic era mòrt der animau ère fòrça desparièra: un sector important dera poblacion dera zòna contunhaue sense compréner per qué ère de besonh protegir un os, se non i auie cap besonh de hè'c, ère un element a eliminar.. Veiram quin serà eth resultat deth procès".
HÒNT: DIARI SEGRE
HÒNT: DIARI SEGRE
Manu Moga