Er Ajuntament de Vielha e Mijaran repren es òbres de milhora deth municipi

Er Ajuntament de Vielha e Mijaran comencèc er an passat un paquet d’òbres entara melhora des carrèrs de toti es pòbles deth municipi, aguestes òbres se paralisèren en iuèrn pera arribada dera nhèu e eth mau temps e s’an reprenut pendent aguestes darrères setmanes. 

Es trebalhs mès subergessents son era ampliacion des trepaders, er apraiament des pas de vianants e toti es desperfèctes ocasionadi pera nhèu, coma horats o henerècles en solèr.

Segontes eth regidor d’òbres e servicis der Ajuntament, Jacinto Cuny, “s’estan realizant es accions previstes entara melhora des carrèrs e demoram poder iniciar lèu tanben es trebalhs de jardineria e neteja en toti es pòbles deth municipi”.

IMATGE: AJUNTAMENT DE VIELHA E MIJARAN