Er Ajuntament de Vielha e Mijaran repren es amassades periodiques damb es Entitats Municipaus Descentralizades entà méter en comun es sòns interèssi
27/09/2023
Un des punts principaus que s'a tractat ena darrèra amassada a estat era confirmacion der aument dera aportacion economica per part deth consistòri damb es EMD en pressupòst municipau de 2024.
Er objectiu ei qu'es EMD cada viatge poguen auer mès autosufisença entà gestionar es servicis basics que prèsten ara ciutadania, damb mès dotacion economica, en tot mantier ua estreta collaboracion damb eth consistòri.
"Er equip de govèrn de Vielha e Mijaran manten era voluntat de trabalhar conjuntament damb es EMD, coma a estat abituau enquiara, e preten balhar-les supòrt e mès autonomia entà que poguen auer libertat entà decidir coma gestionar es sòns pròpris servicis e recorsi”, comente eth baile der Ajuntament de Vielha e Mijaran, Juan Antonio Serrano. E ahig que “precisament,damb aguest aument dera aportacion economica en pressupòst de 2024, confirmam eth compromís der Ajuntament entà mantier ua collaboracion estreta damb es nòsti pòbles, ath viatge que les balham mès autonomia e capacitat de decision”.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga