Er Ajuntament de Vielha e Mijaran regule er estacionament de veïculs grani, de mès de 2,2 mètres de nautada, en parcatge des antigues casèrnes militares de Vielha

Er Ajuntament de Vielha e Mijaran ven de regular er estacionament des veïculs grani en parcatge des antigues casèrnes militares de Vielha, en tot sajar de solventar eth problèma que supause eth sòn estacionament en aguest endret, en tot he'c de manèra ordenada. D'aguesta manèra, eth consistòri a abilitat un espaci en airau de tèrra que i a en aguest parcatge entàs veïculs de mès de 2,2 mètres de nautada entà que poguen estacionar. Un espaci qu'ei senhalizat damb diuèrsi pannèus de color blu que informen dera obligatorietat qu'an aguest tipe de veïculs d'estacionar en aguest endret. Dehòra d'aguest parcatge especiau de tèrra, es unics veïculs grani que pòden estacionar son es autobusi. En aguest sens, enes entrades deth parcatge s'i trape ua senhalizacion especifica que informe sus aguesta naua regulacion.