Er Ajuntament de Vielha e Mijaran inaugure era pista poliesportiua exteriora

Aguest nau equipament permet qu'es joeni deth municipi agen un nau espaci ar aire liure a on poder practicar espòrt, e que complemènte era aufèrta d'installacions esportiues de Vielha e Mijaran en un endret a on tanben s'i placen era pista de pàdel, eth Palai de Gèu, eth Palai d'Espòrts e era pista de fronton.

Era entrada ei GRATUÏTA!

Orari:

- Des 9 as 21 ores. 

"Aguest nau equipament esportiu balhe responsa as demanes de moltes familhes de Vielha e Mijaran entà qu’es sòns hilhs e hilhes agen un espaci exterior entath sòn léser esportiu. Volem revitalizar tota aguesta zòna que damb es equipaments esportius existents, coma son era pista de pàdel, fronton, Palai d’Esports, Palai de Gèu e es projèctes que licitam coma er Skate Park, e era reforma integrau deth pati dera Escòla Garona damb un nau camp de fotbòl, melhoraràn es servicis qu’aufrís aguest Ajuntament a toti/es es sòns/sues vesins e vesies”, comente eth baile de Vielha e Mijaran, Juan Antonio Serrano.


HÒNT: AJUNTAMENT VIELHA E MIJARAN