Er Ajuntament de Vielha e Mijaran forme ara Comission de Hèstes en matèria de violéncia sexuau

Er objectiu a long termini ei qu’era formacion sus era violéncia sexuau s’estene a toti es airaus dera societat, e que toti es agents implicadi ena organizacion de hèstes e activitats de léser agen es estruments entà poder actuar s’ei de besonh. 

Enguan, coma nauetat, pendent era Hèsta s'abilitarà ua Rota Segura entà qu'es gojates poguen anar acompanhades des dera sala de hèstes enquiara parada d'autobús deuant d'Era Audiovisuau.

Ath delà, coma ja s'a hèt ans endarrèr, se tornarà abilitar un Punt Lila de sensibilizacion e prevencion des agressions sexuaus.

Er Ajuntament de Vielha e Mijaran ei adderit ath protocòu de violéncies sexuaus en entorns d'òci deth Departament d'Interior dera Generalitat de Catalunya des de 2019.