Er Ajuntament de Vielha e Mijaran comence un procès de participacion ciutadana entà modificar es normes que regulen er emplec toristic de viuendes compartides en municipi

Actuaument non existís ua regulacion urbanistica enes Normes Subsidiàries e Complementàries de Planejament dera Val d’Aran aplicables a Vielha e Mijaran en emplec der abitatge coma larèr compartit. Se preten arténher eth sòn reconeishement coma un emplec admetut laguens des emplecs urbanistics includidi enes Normes Subsidiàries e Complementàries de Planejament dera Val d’Aran, atau coma definir es condicions d’emplaçament.

Es ciutadans, organizacions e associacions qu’atau ac considèren poiràn hèr arribar es sòns plantejaments pendent es pròplèu dètz dies mejançant era sua presentacion en quinsevolh des lòcs indicadi en article 16 dera Lei 39/2015, d’1 d’octobre, deth Procediment Administratiu Comun des Administracions Publiques.


HÒNT: AJUNTAMENT VIELHA E MIJARAN