Er Ajuntament de Vielha e Mijaran a realizat milhores en solèr dera pista de pàdel en tot plaçar-i èrba artificiau
17/03/2023
Damb aguesta actuacion se condicione aguest equipament municipau de cara ara arribada deth bon temps, dempús de qu’er antic solèr demorèsse en condicions maumerenques peth pas deth temps e pes condicions climatologiques advèrses der iuèrn
Er Ajuntament de Vielha e Mijaran a realizat pendent aguesta setmana trabalhs de milhora ena pista de pàdel municipau. Era actuacion a consistit en trèir er antic solèr, que ja ère maumerenc a conseqüéncia deth pas deth temps e dera climatologia advèrsa des tempsades heiredes, sustot damb es nheuades, es gelades e es pluges abituaus deth territòri.
En aguest sens, er antic solèr a estat substitüit per un nau solèr compausat d’èrba artificiau de polietilen de color verd, en tot er espaci de 20X10 mètres de dimension totau dera pista. Atau madeish, tanben s’a tornat a mercar e senhalizar es linhes reglamentàries oficiaus d’aguest tipe d’espòrt.
En aguest sens, er antic solèr a estat substitüit per un nau solèr compausat d’èrba artificiau de polietilen de color verd, en tot er espaci de 20X10 mètres de dimension totau dera pista. Atau madeish, tanben s’a tornat a mercar e senhalizar es linhes reglamentàries oficiaus d’aguest tipe d’espòrt.
Damb aguesta actuacion, er equip de govèrn municipau seguís damb eth compromís de mantier enes condicions avientes es installacions esportiues de Vielha e Mijaran de cara ara arribada dera primauera e der ostiu. En aguest sens, era pista de pàdel complète un aufèrta esportiua fòrça ampla en Eth Solan de Vielha, a on tanben s’i trape eth Palai de Gèu, eth Palai d’Espòrts, eth Skate Park, era pista de fronton e era pista poliesportiua exteriora. Ath delà, aguest ostiu tanben se compdarà damb un nau camp de fotbòl sèt, que serà plaçat laguens des installacions dera Escòla Garona.
“Era pista de pàdel municipau auie de besonh aguesta milhora en solèr, pr’amor qu’es condicions climatologiques advèrses dera tardor e der iuèrn abituaus deth territòri, l’auien deishat en ues condicions deficientes de cara ara practica d’aguest espòrt en ostiu”, comente eth dusau tinent d’alcalde e còsso d’espòrts de Vielha e Mijaran, Alberto López. E ahig que “en Vielha e Mijaran auem un conjunt d’installacions esportiues de nauta qualitat, e des der equip de govèrn suenham aguesti equipaments entà qu’es nòsti vesins, e tanben es visitaires, poguen gaudir deth sòn emplec enes milhors condicions”.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga