Er Ajuntament de Naut Aran renauís dus parçans dera poblacion de Garòs

Er Ajuntament de Naut Aran a amiat a tèrme actuacions tanplan importantes en dus parçans concrèts dera poblacion de Garòs que meritauen ua accion pr’amor deth pas deth temps qu’auie deishat andús endrets en un estat mejanament maumerenc e que non formauen part deth renauïment de tot eth casc urban coma dejà auie passat damb era rèsta dera poblacion.

En aguest sens, ua des accions s’a centrat ena Pleta Braets, qu’ei entrada de Garòs, a on s’a lheuat eth solèr antic e s’a milhorat eth sistèma d’aigües entà hèr era corresponenta separacion des aigües pluviaus e residuaus. Ath delà, tanben s’a hèt ua repavimentacion d’aguest endret entà deishar-la prèsta de cara ad aguest mes d’agost.

D’un aute costat, ena zòna de darrèr der Estudi e eth Parc infantil, i é era Travèssa Carretèra a on s’a actuat en ua localizacion de uns 30-40 mètres lineaus damb ua especiau fixacion en çò qu’a a veir damb era repavimentacion dera zòna. Aguest endret connècte damb es parcatges  qu’en futur seràn reguladi peth pròpri Ajuntament de Naut Aran a compdar des pròplèu mesi.

D’aguesta forma era poblacion de Garòs se garantís auer finalizat era renovacion de tot eth pòble pr’amor qu’aguesti dus endrets èren es darrèrs a reformar d’ua manèra mès dirècta.