Er Ajuntament de Naut Aran implementarà un sistèma de distribucion de calor damb biomassa ena poblacion de Salardú
27/11/2023
Er Ajuntament de Naut Aran a aprovat era modificacion des NNSS entara implantacion d’un sistèma de distribucion de calor (district heating) entara poblacion de Salardú. Sus açò, cau destacar qu’eth consistòri a era intencion de plaçar aguest sistèma de cauhament ath cant dera Aubèrja de Salardú damb eth prètzhèt de poder cauhar es principaus equipaments publics damb es que compde eth consistòri
Naut Aran implementarà un sistèma de distribucion calor en Salardú (District Heating) que funcionarà damb biomassa.
Eth baile de Naut Aran, César Ruiz-Canela, destaque que “gràcies ad aguesta accion poiram cauhar es nòsti equipaments municipaus e trabalharam damb energia sostenibla, que serà era referéncia en futur. Atau mostram eth nòste compromís damb es energies renauïbles e verdes”.
Gràcies ad aguesta naua hònt de calor se poirà cauhar equipaments municipaus coma era Sala Polivalenta, era piscina de Salardú, era escòla Ruda, diuèrses rampes calefactades, er Ajuntament de Naut Aran o eth futur Centre Civic e Sociau plaçat en centre deth pòble.
Eth baile de Naut Aran, César Ruiz-Canela, destaque que “gràcies ad aguesta accion poiram cauhar es nòsti equipaments municipaus e trabalharam damb energia sostenibla, que serà era referéncia en futur. Atau mostram eth nòste compromís damb es energies renauïbles e verdes”.
Era inversion totau d’aguest district heating que se plaçarà ath cant dera Aubèrja serà de 1.408.000 èuros e compde damb ua subvencion de 399.000 èuros des hons Next Generation dera Union Europèa.
HÒNT: AJUNTAMENT NAUT ARAN
HÒNT: AJUNTAMENT NAUT ARAN
Manu Moga