Er Ajuntament de Naut Aran harà talhèrs en clau feminista

En commemoracion damb eth dia internacionau dera hemna trabalhadora, des deth consistòri prepausam 4 activitats entà que se pogue potenciar era creativitat, e amiar a tèrme debats e reflexions sus eth feminisme en sègle XXI e com a evolucionat pendent aguesti ans.

Sus açò, s’haràn quate talhèrs creatius enes que s’haràn composicions, collages, dessenh e estampacion o illustracions (es dies 7 e 8 de mai e 28 e 29 de mai).

Vos podetz apuntar ena nòsta web, qu’ei www.nautaran.org ena seccion d’anoncis! Es activitats s’haràn ena Sala Culturau de Salardú.

Eth baile de Naut Aran, César Ruiz-Canela, destaque que “Un des nòsti maximoms déuers ei tanben eth de promòir era igualtat laguens dera nòsta pròpria societat. Auem de besonh non auer pòur e afrontar aguestes situacions damb exemples necessaris entà poder amiar a tèrme cambis reaus en futur”.


HÒNT: AJUNTAMENT DE NAUT ARAN