Er Ajuntament de Naut Aran darà enquia 200 èuros as extraescolars
16/11/2021
Er Ajuntament de Naut Aran seguís ena linha d'aufrir as sòns vesins ajudes sociaus entà que poguen gaudir des diuèrses activitats que se pòden amiar a tèrme en municipi e ena rèsta dera Val d'Aran.
HÒNT: AJUNTAMENT DE NAUT ARAN
Se subvencionarà enquia un maximom de 200 èuros as mainatges e mainades e joeni de 0 a 18 ans que s'apunten a quinsevolh classe d'activitat extraescolara, ja sigue culturau, esportiua o lectiua.
Es pairs e mairs e tutors legaus auràn de presentar es factures en consistòri. Aguestes se poiràn bonificar enquia un 20% cadua enquia arribar a aqueth maximom de 200 èuros.
Eth baile de Naut Aran, César Ruiz-Canela, destaque que “volem qu'es nòsti joeni deth municipi agen era oportunitat de poder gaudir dera aucupacion extraescolar que mès les interèsse. Les auem dat tostemp supòrt e mos i predaram entà que sigue atau per molt temps”.
Eth periòde de sollicituds se poderà hèr de forma telematica enquiath 20 de deseme deth 2021. Se veiràn beneficiadi ath torn de 300 mainatges mercés a ua partida de 60.000 èuros der Ajuntament de Naut Aran.
HÒNT: AJUNTAMENT DE NAUT ARAN
Manu Moga