Er Ajuntament de Naut Aran aufrirà era Marcha Nordica a compdar d'enguan

Era idèa sorgic gràcies ara iniciatiua de diuèrsi vesins e professionaus sanitaris dera zòna que reclamauen poder hèr aguest tipe d'activitat entà poder revitalitzar fisicaments a persones de totes es edats e evitar problèmes cardiovasculars o d'autes patologies coma era artròsi.

Eth consistòri, un viatge arrecebuda e analisada aguesta prepausa, a dat lum verda ara incorporacion dera marcha nordica coma un des atractius a aufrir entà toti es sòns vesins e practicants. 

S'aufrirà un cors annau e gratuït.

Aguesta activitat s’harà dus viatges per setmana. Concrètaments, es deluns se gesserà des dera Plaça Urtau d'Arties e es diuendres des dera Plaça Querimònia de Salardú damb ua durada estimada de dues ores cadua des sessions. 

S'informarà a toti es vesins que siguen interessadi en aguest servici diuendres dia 4 de hereuèr tàs 16:30 en Poliesportiu de Salardú.


HÒNT: AJUNTAMENT DE NAUT ARAN