Er Ajuntament de Naut Aran apròve eth pressupòst de 2022

En totau, aguest ascendís enquias 7.030.000 èuros, que supause un aument pròplèu ath 5% respècte ath de 2021.

Se manten era aportacion que realize eth consistòri de Naut Aran de 165 èuros per abitant entà cadua des poblacions entà que poguen realizar trabalhs de manteniment o méter polit eth municipi damb ornamentacion florau, hèt important pr’amor que totes es localitats formen part dera distincion de Viles Florides.

Eth baile der Ajuntament de Naut Aran, Cesar Ruiz Canela Nieto, explique que “aguesti pressupòsti son continuistes. Les didem atau pr'amor que seguissen era linha de d'auti ans e qu'an foncionat certament plan ben. Eth municipi genère riquesa e atractius e gràcies ad açò podem parlar qu'aué aprovam eth pressupòst mès gran dera nòsta istòria. Es inversions les decidiram en plens posteriors”

Tanben s'a aprovat, de forma provisionau, eth gran projècte deth centre de Salardú en quau ei contemplat un parcatge soterrani, un centre de dia entara gent grana e equipaments culturaus e esportius.

HÒNT: AJUNTAMENT DE NAUT ARAN