Er Ajuntament de Naut Aran amplie era ajuda as AMPA de Salardú e Arties

Gràcies a aguesta ajuda extraordinària, se poirà disposar de mès monitors de minjador sense auer d'abonar cap quantitat suplementària es pròpris pairs e mairs. 

Des deth consistòri, se rebrembe que, actuauments, se da 70 èuros per mainatge e 7.800 èuros ar AMPA en Salardú, 3.000 en Arties e 1.000 en Gessa. Per tant, er aument ena majoria de casi ei notòri pr’amor qu'era aportacion ei mès deth doble dera iniciau. 

Eth baile de Naut Aran, Cesar Ruiz Canela Nieto, destaque que “en epòca de Covid volem ajudar ath maximom as familhes deth nòste municipi, e, mòstra d'açò, son aguestes ajudes extraordinàries qu'aufrim en sector educatiu que segur seràn fòrça ben arrecebudes”.

D’autes partides aprovades:

- 40.000 èuros entath gimnàs Naut Aran

- 25.000 èuros entath convèni damb eth Conselh Generau d’Aran peth campanau de Salardú

- Mès de 200.000 èuros en apraiament dera pista d’Aiguamòg.

HÒNT: AJUNTAMENT DE NAUT ARAN