Er Ajuntament de Les apròve era 4au modificacion de crèdit d'enguan per 150.000 €
09/10/2023
Entre d'autes actuacions previstes destaquen: era melhora der enlumenat des installacions esportives dera Cauarca, era complementacion deth programa de reciclatge de libres deth CEIP Alejandro Casona, era reforma e paissatge des rotondes dera N230, e complements enes partides de reabilitacion dera glèisa de Sant Joan de Les, des òbres deth Castèth de Pijaoèrt e ena conservacion e apariament de vials.
Atau madeish, s'aprovèc per unanimitat de toti es grops, era actualizacion dera ordenança fiscau reguladora des Taxes der Aigua, damb er increment equivalent ara inflacion des darrèri ans.
En aguest sens, er informe de despenes de mantenement e de còsti repercutidi des darrèri ans presentat en plen, certifique qu'era recaptacion actuau non corbís es despenes e inversions efectuades. Cau remercar, qu'era màger part des còsti les assomís er Ajuntament, e que son planificades naues inverions de melhora der hilat en aguesta legislatura.
HÒNT: AJUNTAMENT DE LES
Manu Moga