Er Ajuntament de Bossòst aurà de pagar mès de 260.000 euròs pera ocupacion d'uns terrens en an 1989

Ager, pendent era celebracion deth darrèr Plen ordinari der Ajuntament de Bossòst, eth Baile, Amador Marqués, comuniquèc que, a causa d’ua senténcia deth Tribunau Superior de Justícia de Catalonha, eth consistòri se ve obligat a pagar a ua particolar mès de 260.000 euròs per responsabilitat patrimoniau a causa dera ocupacion d’uns terrens 1989 entath bastiment des casèrnes dera Guardia Civiu.

Des d’alavetz es diuèrsi mandataris der Ajuntament an sajat d'arribar a bèth acòrd damb era proprietària sense cap èxit, enquia qu’en 2013 era particolar portèc eth cas as tribunaus. Aguesta senténcia afècte ara molt negatiuamnet ath consistòri, que dejà a uns pressupòsti pro ajustats.

Calerà demorar entà saber coma afronte er Ajuntament de Bossòst aguesta situacion e quines possibles alternatives de pagament an entà minimizar, ena mesura possible, es negatius efèctes d’aguesta senténcia.