Encara se pòden demanar es ajuts LEADER entàs enterpreses araneses

Per tresau an consecutiu, era Val d’Aran participe en programa europèu d’ajuts LEADER, ua convocatòria que se centre en miei rurau e sage de dar responsa ar abandonament des zònes agricoles en Euròpa.

Quinsevolh microempresa o petita e mejana empresa aranesa se poderà beneficiar d’aguestes ajudes, er objectiu des quaus ei impulsar tot tipe de projèctes empresariaus generadors d’activitat economica.

Es ajudes deth programa LEADER provien der Hons Europèu de Desvolopament Regionau atau coma d’hons dera Generalitat de Catalonha, e non van destinats sonque a enterpreses privades, senon tanben a ajuntaments o conselhs comarcaus.

Eth pròpi Conselh Generau d’Aran a demanat aguesta ajuda entà milhorar es accèssi as entorns naturaus deth territòri.

Er unic requisit ei qu’es inversions que se vagen a hèr enes enterpreses o entitats publiques supère eth minim establit en marc deth programa. 

Se tracte d’un programa que qu’aufrís ua importanta oportunitat ara reactivacion economica deth territòri. Rebrembam a toti es interessadi que dejà se pòden apropar ath Conselh entà demanar mès informacion, e qu’eth termini entà demanar aguestes subvencions finalize eth 30 de noveme.