En marcha era Oficina Acelera Pyme Rurau Pirenèu Occidentau
12/12/2022
Eth Conselh Generau d’Aran, amassa damb es Consells Comarcals deth Pallars Jussà, Pallars Sobirà e Alta Ribagorça, entitats locaus, associacions empresariaus, centres educatius e empreses privades deth sector TIC, an metut en foncionament era Oficina Acelera Pyme Rurau Pirenèu Occidentau, impulsada per Red.es a trauès des hons NextGeneration dera UE.
HÒNT: CONSELH GENERAU D'ARAN
Aguesta Oficina itinerant, plaçada en Vielha en coworking deth Hub HèPic, a coma objectiu assessorar e acompanhar a petites e mejanes empreses atau coma autonòms/es e naui emprenedors en procès de digitalizacion des sòns negòcis.
Era Oficina de Vielha aten es dimars de 9:00 a 14:30 ores. Totes es persones qu’agen de besonh d’aguesti servicis d’assessorament digitau, pòden demanar cita prèvia en tot telefonar ath 973 65 34 70 extension 322 o per email en [email protected].
HÒNT: CONSELH GENERAU D'ARAN
Manu Moga