"Èm çò qu'èm", Prèmi Pica d'Estats
05/02/2022
Era serie de ficcion aranesa, "Èm çò qu'èm", guanhadora deth prèmi Pica d'Estats de Mejans de comunicacion locaus des Tèrres de Lhèida ena sua 32au edicion.
Eth jurat constituït per grani professionaus dera comunicacion a destacat e premiat eth projècte ellaborat per Lleida Televisió e eth Conselh Generau d'Aran damb era produccion de Kionalia.
Aguesta creacion audiovisuau que compde de cuerti de 5 menutes, a coma objectiu apropar era lengua aranesa e sajar d'aumentar eth sòn usatge sociau en carrèr sustot as mès joeni mejançant estruments d'aguest estil. Dempús deth gran succès qu'auec era prumèra edicion, donques que compdèc damb un gran nombre d'espectadors, s'a estreat ua dusau sason en tot includir naui personatges, scenaris e sustot, expressions araneses entà que qui volgue apréner melhor era lengua, ac pogue hèr.
Aguesta reconeishença publica supause era confirmacion qu'eth projècte "Èm çò qu'èm" ei ua clara escomesa pera defensa e er emparament dera lengua aranesa e era sua cultura en totes es sues vessants.
Manu Moga