Dubèrtes es pistes forestaus d’Artiga de Lin e Saut deth Pish
25/05/2018
AGRICULTURA I RAMADERIA
Eth Conselh Generau d’Aran, a trauès dera enterpresa Servicis Ambientaus dera Val d’Aran, a dubèrt pendent enes darrèri dies es pistes forestaus d’accès as paratges naturaus dera Artiga de Lin e eth Saut deth Pish (Varradòs).
Eth conselhèr d’Agricultura, Ramaderia e Miei naturau d’Aran, José Enrique Arrò, a explicat que damb era dubertura des pistes forestaus se garantís er accès des persones as paratges mès concorrudi d’Aran.
En cas dera pista d’accès ath Saut deth Pish, peth moment sonque ei possible arribar enquia aguest punt, donques era grana acumulacion de nhèu en aguesta zòna, qu'arribe ath miei mètre, hè impossible encara er accès des deth Saut deth Pish en dessús.
Arrò a ahijut qu’era dubertura dera rèsta dera pista s'harà de manèra graduau a mesura que se produsisque eth desgèu, per çò qu’a recomanat precaucion a totes aqueres persones que volguen accedir as zònes mès nautes dera Val d’Aran.
En aguest sentit cau arrebrembar qu’er ostiu passat eth Conselh realizèc es òbres de reconstruccion dera pista dera Artiga de Lin, en tram ara nautada deth barranc de Geles afectat pes aiguats deth 2013 e era recuperacion deth tram entre eth Camin de Soberado e eth guardader der aigua, eth camin d’accès ara Artiga de Lin, qu'auie grana quantitat de vegetacion damb pèires queigudes des murs e erosionat per aigua.
S’i bastic un accès en camin des deth parcatge dera Artiga de Lin, quate passarèles entà crotzar es barrancs d’Aubert e de Bernatet e dera hònt existenta, ath delà de reperfilar eth camin desbrossant era zòna entà dar-li ua amplada de 1,20m, e eth bastiment de parabandes de seguretat ath long de tot eth camin e ath guardader der aigua.
Se trebalhe tanben ena mantenença e premanida dera rèsta de pistes forestaus dera Val d’Aran coma es d’Aiguamòg, Valarties o Varicauva, entre d’autes, de cara ara sason toristica de primauera e ostiu.
IMATGE: CONSELH GENERAU
Eth conselhèr d’Agricultura, Ramaderia e Miei naturau d’Aran, José Enrique Arrò, a explicat que damb era dubertura des pistes forestaus se garantís er accès des persones as paratges mès concorrudi d’Aran.
En cas dera pista d’accès ath Saut deth Pish, peth moment sonque ei possible arribar enquia aguest punt, donques era grana acumulacion de nhèu en aguesta zòna, qu'arribe ath miei mètre, hè impossible encara er accès des deth Saut deth Pish en dessús.
Arrò a ahijut qu’era dubertura dera rèsta dera pista s'harà de manèra graduau a mesura que se produsisque eth desgèu, per çò qu’a recomanat precaucion a totes aqueres persones que volguen accedir as zònes mès nautes dera Val d’Aran.
En aguest sentit cau arrebrembar qu’er ostiu passat eth Conselh realizèc es òbres de reconstruccion dera pista dera Artiga de Lin, en tram ara nautada deth barranc de Geles afectat pes aiguats deth 2013 e era recuperacion deth tram entre eth Camin de Soberado e eth guardader der aigua, eth camin d’accès ara Artiga de Lin, qu'auie grana quantitat de vegetacion damb pèires queigudes des murs e erosionat per aigua.
S’i bastic un accès en camin des deth parcatge dera Artiga de Lin, quate passarèles entà crotzar es barrancs d’Aubert e de Bernatet e dera hònt existenta, ath delà de reperfilar eth camin desbrossant era zòna entà dar-li ua amplada de 1,20m, e eth bastiment de parabandes de seguretat ath long de tot eth camin e ath guardader der aigua.
Se trebalhe tanben ena mantenença e premanida dera rèsta de pistes forestaus dera Val d’Aran coma es d’Aiguamòg, Valarties o Varicauva, entre d’autes, de cara ara sason toristica de primauera e ostiu.
IMATGE: CONSELH GENERAU
Clara Villar