Dubèrtes a compdar d'aué diuèrses pistes forestaus ena Val d'Aran

Eth Conselh Generau d'Aran, per miei dera enterpresa de Servicis Ambientaus dera Val d'Aran (SAVA S.L) a daurit dejà es pistes forestaus dera Artiga de Lin (ena sua totalitat) e era pista de Varradòs, mès sonque era part que va des de Pònt d'Arròs enquiath creuament de Sant Joan d'Arròs damb Vila. A partir d'aquiu enquiath Saut deth Pish encara contunhe barrat. 

Pendent era següent setmana se demore poder daurir des d'Aiguamòg enquias Banhs de Tredòs. 

Aguestes accions permeten ampliar, encara mès, era aufèrta toristica dera Val d'Aran entà captar un major nombre de visitants pendent aguesta Setmana Santa.

IMATGE: CONSELH GENERAU D'ARAN