Donacion de sang ena Val d'Aran
Enguan era participacion a estat mès baisha pr'amor des dates enes que se hèc
Era Val d’Aran a tornat ua víuer ua naua jornada de donacion de sang en Palai d’Espòrts de Vielha.
Un totau de 57 persones pogueren dar sang des 16:00 entàs 21:00 deth vespe per çò qu’era valoracion ei fòrça positiua per part dera Associacion de Donants de Sang dera Val d’Aran. Ath delà, tanben se hèren 8 plasmes programadi e fin finau 10 aufriments. Rebrembam qu’es aufriments son persones que non poden dar sang per bèra qüestion qu’acostume a èster que prenen quauque medicament o que son baishi de hèr.
Aguesta a estat era tresaua donacion der an e era tendéncia en aguest sens ei positiua, totun i a auut mens participacion pr’amor der inici des vacances d’ostieu
Un des lèmes dera campanha de donacion dera Val d’Aran ei que damb un viatge non n’i a pro pr’amor qu’era sang encara non se pòt fabricar e tostemp ei de besonh.
