Diuèrsi alumnes der Institut d'Aran realizen practiques en installacions municipaus de Vielha e Mijaran

Pendent er actuau cors escolar, quate alumnes deth Cicle Formatiu de Grad Mejan de Gestion Administratiua (GAD) se trapen en tot realizar es sues practiques en equipaments municipaus: Dus alumnes hèn foncions de supòrt enes corsi de natacion enes piscines deth Palai de Gèu, ua alumna realize prètzhèts administratius ena recepcion deth Palai e ua quatau hè practiques de supòrt ena Bibliotèca Generau de Vielh
a.

"Des der Ajuntament mantiem aguest acòrd damb er Institut d’Aran, entà qu'es nòsti/es joeni/es agen eth sòn prumèr contacte damb eth mon laborau e poguen veir es possibilitats de trabalh que les pòt aufrir ua administracion publica", comente eth dusau tienent d'alcalde e còsso d'ensenhament de Vielha e Mijaran, Alberto López.


HÒNT: AJUNTAMENT VIELHA E MIJARAN