Derròta dera UE Bossòst còntra eth Pyrenees Sud

Derròta per 3 gòls a 1 dera UE Bossòst ena sua visita a França entà jogar còntra eth Pyrenees Sud, partit celebrat ager, dissabte 8d'abriu. 

Tot e qu'eth Bossòst auec fòrça baishes, es sòns jogadors pelegèren e heren un molt bon partit, qu'acabèren perdent enes 10 darrères menutes.

Pendent era prumèra part, es aranesi aueren dues molt bones ocasions de gòl. Ena prumèra, eth portèr deth Pyrenees desvièc damb era punta dera bota eth shut de Moha, e ena segona era pilòta de Marcos passaue pròp deth garròt. Er equip contrari auec tanben bones oportunitats damb es lançaments de còrner, mès sense arribar a mercar.

Eth descans arribaue damb eth marcador 0-0. 

Passades 20 menutes dera dusau part, arribaue ara fin eth prumèr gòl dera UE Bossòst gràcies a Gachi, qu'artenhie eth 0-1. Eth partit contunhèc atau enquiara menuta 80.

A 10 menutes d'acabar eth partit, eth Pyrenees Sud empataue eth jòc. Dues menutes dempús, damb molt mala sòrt, ethdefensa deth Bossòst, Felipe, calaue era pilòta ena porteria aranesa, 2-1. 

Eth darrèr gòl dera equipa francesa arribaue ena menuta 85 a causa d'un penalti, e damb aguest 3-1 acabaue er afrontament entre era UE Bossòst e eth Pyrenees Sud.

IMATGE: UE BOSSÒST