Derròta dera UE Bossòst còntra es líders dera categoria
23/04/2017
ESPORTS
Bossòst
Era U.E Bossòst demoraue ager en casa ath Mabroc, líder dera categoria, ua equipa que se mostrèc molt solida e que guanhèc per 0 gòls a 2 as locaus en un partit fòrça igualat.
Ena menuta 10 se presentèc era prumèra oportunitat de gòl tàs aranesi en un penalti a favor, que Felipe Barrera hèc a tocar en garròt. Eth Mabroc se mostraue perilhós a pilòta aturada, e eth sòn jogador Arcidet plaçaue uns boni centri en area aranesa.
Passats es prumères 35 menutes arribaue eth 0-1 aprofitant un còrner jogat en cuert e qu'eth francés Rives d'esquies ara porteria desviaue era trajectòria entà estonar ath portèr aranés. Damb aguesta diferéncia a s'arribaue ath descans.
Ena menuta 10 se presentèc era prumèra oportunitat de gòl tàs aranesi en un penalti a favor, que Felipe Barrera hèc a tocar en garròt. Eth Mabroc se mostraue perilhós a pilòta aturada, e eth sòn jogador Arcidet plaçaue uns boni centri en area aranesa.
Passats es prumères 35 menutes arribaue eth 0-1 aprofitant un còrner jogat en cuert e qu'eth francés Rives d'esquies ara porteria desviaue era trajectòria entà estonar ath portèr aranés. Damb aguesta diferéncia a s'arribaue ath descans.
Ena represa, jòc ara contra des francesi que estonèren ath quart d'ora quan, un aute còp, Rives aprofitaue era sua velocitat entà mercar a pòrta ueda. Arribaue eth dusau gòl.
Era UE Bossòst auec molt bones ocasions en shuts d'Ori Broto e Javi Fernaguez mès non pogueren redusir era distància en mercador.
A manca de 10 menutes de finalizar eth partit, era U.E Bossòst se quedaue damb 10 jogadors a causa dera expulsion d'Ignasi Grau. Encara e atau, era equipa contunhèc lutant enquiath finau sajant aumens de mercar un gòl, mès sense sòrt. Er arbitre fiulèc eth finau deth partit damb eth 0-2 en mercador.
Era UE Bossòst auec molt bones ocasions en shuts d'Ori Broto e Javi Fernaguez mès non pogueren redusir era distància en mercador.
A manca de 10 menutes de finalizar eth partit, era U.E Bossòst se quedaue damb 10 jogadors a causa dera expulsion d'Ignasi Grau. Encara e atau, era equipa contunhèc lutant enquiath finau sajant aumens de mercar un gòl, mès sense sòrt. Er arbitre fiulèc eth finau deth partit damb eth 0-2 en mercador.
Clara Villar