Der 1 ath 3 d'abriu aurà lòc en Baqueira Beret eth prumèr campus d'esquí d'hons Laura Orgué
29/03/2017
Un totau de 18 joeni des categories U12, U14 e U16 poiràn apréner dera ex hondista e des sues experiéncies en Mondiaus e Jòcs Olimpics
ESPORTS
Baquèira
Pendent es pròplèus dies 1, 2 e 3 d'abriu era Reau Federacion Espanhòla d'Espòrts d'Iuèrn (RFEDI) organizarà en Pla de Beret eth prumèr campus d'esquí d'hons Laura Orgué entà hondistes des categories U12, U14 e U16.
Era ex hondista dera RFEDI, Laura Orgué, que quedèc era 10au enes 30 km des Jòcs Olimpics de Sochi en 2014, compartirà era sua experiéncia damb es 18 joeni que participen en aguest eveniment.
Es participairesan estat escuelhuts en base ath classament finau dera Copa Espanha, agarrant as tres prumèrs gojats e as tres prumères gojates de cada categoria.
Damb aguest campus se cerque aprofitar era gran experiéncia e es coneishements d'Orgué e transmeter-les as joeni, que trebalharàn damb ua metodologia ideau entà era etapa dera sua formacion ena que se trapen.
Er objectiu principau d'aguest campus formatiu ei qu'es participaires desvolòpen abilitats e capacitats tecniques, tactiques e psicologiques laguens des aspèctes de perfeccionament des tecniques classica e liure.
Ath delà, se trebalharà tanben era gestion mentau e era regulacion laguens d'ua competicion e era alimentacion abantes, durant e dempús des corses.
IMATGE: RFEDI
Era ex hondista dera RFEDI, Laura Orgué, que quedèc era 10au enes 30 km des Jòcs Olimpics de Sochi en 2014, compartirà era sua experiéncia damb es 18 joeni que participen en aguest eveniment.
Es participairesan estat escuelhuts en base ath classament finau dera Copa Espanha, agarrant as tres prumèrs gojats e as tres prumères gojates de cada categoria.
Damb aguest campus se cerque aprofitar era gran experiéncia e es coneishements d'Orgué e transmeter-les as joeni, que trebalharàn damb ua metodologia ideau entà era etapa dera sua formacion ena que se trapen.
Er objectiu principau d'aguest campus formatiu ei qu'es participaires desvolòpen abilitats e capacitats tecniques, tactiques e psicologiques laguens des aspèctes de perfeccionament des tecniques classica e liure.
Ath delà, se trebalharà tanben era gestion mentau e era regulacion laguens d'ua competicion e era alimentacion abantes, durant e dempús des corses.
IMATGE: RFEDI
Clara Villar