Dejà son licitadi es trabalhs de reparacion dera prumèra planta dera bastissa des Monges de Les

Dejà son licitadi es trabalhs entara reparacion dera prumèra planta der emblematic edifici des Monges de Les. Un auviatge deth municipi que pòc a pòc se va convertint en un espaci civic a on s’i an installat fòrça servicis de prumèr besonh.

Era fasa iniciau des trabalhs en aguesta prumèra planta der edifici, que dejà a començat, ei era de neteja, pr’amor que darrèraments s’auie hèt a servir coma magasèm.

Era coneishuda coma bastissa des Monges ja hè ans qu’ei emplegada entà aufrir servicis tan basics coma eth medicau. E tanben d’auti que pòc a pòc an anat hènt-se un lòc.

Tanben s’acondicionaràn accèssi adaptats ara prumèra planta damb rampes. Pr’amor qu’er objectiu ei que toti es vesins poguen gaudir d’aguest espaci, que non i age cap obstacle qu’empedisque er emplec d’aguest patrimòni.

Classes d’aerobic, yoga, pilates e d’autes activitats se i poderàn organizar en aguesta prumèra planta der edifici Sagrada Familha un viatge s’agen acabat es òbres.

Era prevision ei qu’en dus mesi a compdar der inici des òbres, se pogue auer finalizada aguesta prumèra planta dera bastissa. Eth pressupòst se plaçarie ath torn des 65.000 èuros.