Decepcion ena Val d'Aran pera retirada deth projècte des JJOO d'iuèrn 2030
21/06/2022
Dempús der anonci oficiau deth COE, era sindica d’Aran, Maria Vergés, a manifestat era decepcion e mauestar deth govèrn d’Aran pera utilizacion politica d’aguesta qüestion e pes actituds pòc collaboratives e irresponsables qu’an costat ath Pirenèu ua oportunitat unica ena sua istòria
Dempús de coneisher-se era decision deth Comitat Olimpic Espanhòu (COE) de descartar de forma definitiva era candidatura olimpica des Pirenèus tà 2030, era sindica d’Aran, Maria Vergés, a lamentat “que s’age perdut ua oportunitat unica entath Pirenèu, que mos auesse permetut melhorar es nòstes infraestructures e, en conseqüéncia, era qualitat de vida des nòsti vesins e vesies, ath delà de plaçar-mos en mapa coma un territòri de referéncia en encastre des espòrts d’iuèrn internacionaument”.
Era sindica d’Aran a metut de manifèst tanben era sua “decepcion deuant era irresponsabilitat e actituds bric collaboratives qu’an hèt a pèrder ua oportunitat d’aguestes dimensions”.
Era sindica d’Aran a metut de manifèst tanben era sua “decepcion deuant era irresponsabilitat e actituds bric collaboratives qu’an hèt a pèrder ua oportunitat d’aguestes dimensions”.
Vergés a afirmat tanben que: “deth Conselh Generau d’Aran ençà contunharam trabalhant entà que, en un futur, sigue possible arténher ua candidatura olimpica pirenenca, pr’amor qu’eth nòste territòri merite ua oportunitat que possibilite que mos pogam posicionar coma territòri referent”. Atau madeish, a volut “arregreïr ath COE eth sòn trabalh tot aguest temps e seguiram trabalhant damb es sòns representants tà arténher ua candidatura mès tà deuant”.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga