Debat sus eth papèr d'Aran en ua Catalonha independent

Eth pròplèu dissabte, 8 de junhsèga, tàs 19:00 ores aurà lòc en Ajuntament de Les eth prumèr debat sus eth futur d'Aran en ua naua Catalonha independent. 

En aguest acte, organizat per Constituïm e eth Cercle d'Agermanament Occitano-Catalan (CAOC), se presentarà era propòsta de constitucion elaborada per Constituïm e recentaments traduida ar aranés, hènt enfasi en aqueri ahèrs qu'afècten directament ara Val d'Aran e ath sòn auto-govèrn. 

Eth CAOC exposarà era sua propòsta de republica confederau binacionau, a on Aran disposarie d'un estat pròpi. Era propòsta dejà siguec presentada en Barcelona er octobre passat.

Pendent aguesta jornada de debat toti es participants poiràn expressar eth sòn punt de vista sus era posicion dera Val d'Aran en contèxt deth referendum convocat tath pròplèu 1 d'octubre, sus er assemblatge deth nòste territòri en aguesta Catalonha independent e sus era futura constitucion.

Rebrembam qu'er Ajuntament de Les aprovèc, en sòn darrèr Plen, aderir-se ath Pacte Nacionau peth Referendum, convertint-se atau en prumèr municipi aranés en hèc.