Debat sus era actualitat deth Palai de Gèu en darrèr Plen der Ajuntament de Vielha e Mijaran

Era inondacion dera passada dimenjada en Palai de Gèu a causa dera trencadura d’ua canerada a protagonizat eth debat deth darrèr Plen der Ajuntament de Vielha e Mijaran. 

Un hèt que se some ara grèu pana qu'era pista de gèu dera installacion patic est an passat e qu'a provocat qu'eth Consistòri municipau torne a sollicitar ajudes as administracions superiores.

Aguest Plen tanben a dat lum verda ara autorizacion tà qu'es familhes monoparentaus deth municipi poguen profitar-se de descompdes e bonificacions en prètz dera escòla mairau "Era Cunhèra" de Vielha.

Vielha e Mijaran tanben a decidit per majoria absoluta cedir ath Govèrn d'Aran era finca a on se tròbe edificada era naua bastissa dera pròpria institucion.

Fin finau, eth Plen municipau a aprovat era mocion deth grop de Amassa entà eliminar era discriminacion per genre enes presents des reis d'Orient en Nadau. En aguest sens, s’apostarà per presents neutres, coma ben puzzles o libres, que servisquen autant tàs mainades coma tàs mainatges. Tanben se priorizarà qu’es presents siguen de materiaus naturaus, coma era husta o eth papèr, e que siguen de proximitat.