Corsa d'Aran per sa Lengua reivindicativa e condecorativa

Aguest dimenge s’a hèt era tradicionau Corsa d’Aran per sa lengua ena sua 30au edicion per tota era Val d’Aran.

Era corsa d’Aran per sa lengua ei un recorregut per diuèrsi entorns dera Val d’Aran, damb concretament 3 punts de gessuda que son Montgarri, Les e eth Pòrt de Vielha, entà persutar ena defensa e promocion dera lengua aranesa.

Enguan, aguesta edicion dera Corsa a prenut fòrça importància pr’amor que s’an complit 30 ans e entre es actes tipics coma era condecoracion pera eleccion dera samarreta, s’a repartit eth prèmi Lengua Viua entre fòrça associacions e collectius coma per exemple eth Conselh Generau d’Aran, ajuntaments d’Aran eth grop de Pompièrs e Emergéncies, entre d’auti.

Ath delà, en sòn tradicionau discors tanben s’a destacat era importància de parlar er aranés e transmeter-lo tanben a trauès des hilats sociaus

Fin finau e coma dejà ei d’abituda, er acte se barrèc damb eth tradicionau concèrt deth grop occitan Nadau, que hèc a gaudir a toti es assistents d’aguest massiu eveniment pera lengua aranesa.