Convocatòria d’articles sus er occitan estandard der Institut d’Estudis Aranesi
26/10/2022
Er Institut d’Estudis Aranesi-Acadèmia aranesa dera lengua occitana daurís un procès de reflexion sus era determinacion dera forma estandard dera lengua occitana entà tot eth conjunt lingüistic
Era lengua occitana gaudís d’un gran prestigi des dera Edat Mejana. Es trobadors e grani escritors li an dat un nivèu internacionau de nauta valor. Ena Val d’Aran era sua varianta, er aranés, ei ua lengua viua e gaudís per part dera Generalitat de Catalonha e deth Conselh Generau d’Aran dera major proteccion dera istòria. Era Acadèmia aranesa dera lengua occitana, autoritat der occitan en Catalonha, que definís er aranés e es sues caracteristiques, daurís un procès de reflexion sus era determinacion dera forma estandard dera lengua occitana entà tot eth conjunt lingüistic, vist des de Catalonha, a on er occitan ei lengua oficiau.
Los articles auràn de tractar un dels tèmas seguents:
Los articles auràn de tractar un dels tèmas seguents:
1.- Existéncia de l’estandard, malgrat tot. Besonh de l’estandard. Vision dempuèi Catalonha. Vision dempuèi Occitània tota.
2.- Quines aspèctes cal aver present per la definicion de l’estandard per l’occitan? Paramètres necessaris. Consideracions.
3.- Responsabilitat de Catalonha (ont la lenga occitana es oficiala) e de l’Acadèmia aranesa de la lenga occitana (autoritat sus l’occitan en Catalonha) sus la determinacion de l’estandard. Relacions occitanocatalanas e posicions divèrsas sus la determinacion de l’estandard. La varianta aranesa e la lenga estandard. Usatges de las doas variantas.
Los tèxtes se deuràn presentar escriches en occitan o en catalan.
HÒNT: IEA-AALO
HÒNT: IEA-AALO
Manu Moga