Convergéncia Democratica Aranesa celebrarà eth 25 de mai eth Congrés Nacionau

Dejà se coneish era data de celebracion deth pròplèu Congrés Nacionau de Convergéncia Democratica Aranesa-Partit Nacionaliste Aranés (CDA-PNA): eth 25 de mai. Aguesta ei era decision que se prenec pendent era celebracion deth darrèr Conselh Nacionau qu'auec lòc eth 20 d'abriu ena sedença dera formacion convergenta en Vielha. 

Era secretària d'organizacion, Victòria Saurina, informèc sus er estat des compdes corresponentes ar exercici de 2016 e, ath delà, es membres deth Conselh Nacionau ratifiquèren eth sòn supòrt ath nau secretari generau de CDA-PNA, Luis Carlos Medina, en substitucion d'Àlex Moga, que renoncièc oficiauments hè ues setmanes. Aguest cargue s'aurà de confirmar pendent eth Congrés Nacionau de mai. 

Medina remerquèc eth sòn arregraïment a Moga peth trebalh amiat a tèrme pendent es ans que siguec secretari generau, e sustot, eth hèt d'auer artenhut era aprobacion dera 2au Lei d'Aran, en tot afirmar que "mos la calerà desplegar e aplicar ena sua totalitat enes pròplèus ans, damb era collaboracion e supòrt de toti es aranesi e araneses”.


IMATGE: CDA-PNA