Convergéncia Aranesa presente as candidats as eleccions deth pròplèu 28 de mai

Era candidata a Sindica, Rosa Mari Salgueiro, a explicat que vò hèr naues formes de hèr politica jamès abans vistes. Propères damb era gent, dialogant, sense cap tipe de restriccion e tostemp aufrint un còp de man e interlocucion en toti es airaus, atau coma damb era pròpria Generalitat de Catalonha.

Ath sòn torn, Enric Jiménez, candidat per Vielha e Mijaran a destacat qu’eth sòn projècte de futur cèrque crear naues oportunitats entà totes es persones e ua politica a on totes es opinions siguen respectades damb ua lista completaments renauïda e era preséncia de lèu tot cares naues damb bèra persona experienciada. Lutarà per ues milhors condicions entàs pedanies.

Fin finau, eth candidat ara alcaldia de Naut Aran, César Ruiz-Canela, a comentat que Naut Aran ei en milhor moment de tota era sua istòria e qu’er ajuntament s’a convertit en ua referéncia en tota era Val.

Ath delà, auem hèt ua menuta d’aplaudiments ath Sindic que mès a lutat pera istòria deth nòste petit país. Gràcies Carlos Barrera e tanben gràcies a totes es persones que mos auetz hèt costat en aguesta serada.


HÒNT: CONVERGÉNCIA ARANESA