Convèni damb era Confederacion Idrografica der Ebre entar escambi de donades deth Garona
23/12/2017
SOCIETAT
Eth Conselh Generau d’Aran e era Confederacion Idrografica der Ebre (CHE) an signat un convèni de collaboracion entà escambiar donades dera conca der arriu Garona, un document qu'aubedís ath besonh d'escambiar informacion entre ambdues institucions a arraïtz des riades der an 2013 ena Val d’Aran.
Era experiéncia de 2013 metec en evidéncia eth besonh de completar es donades idrometeorologiques, generades peth conjunt des agents presents ena conca der arriu Garona, damb er objectiu de dar ua milhor responsa deuant episòdis extraordinaris de precipitacion o aumentacion de cabaus en cap dera conca.
Aguest acòrd aurà ua vigéncia de 4 ans, prorrogable per 4 ans mès. Un periòde de temps qu'a de perméter realizar es assagi, pròves e practiques de besonh entà qu'es resultats obtengudi siguen mès fiables.
Ena implementacion d'aguest convèni participe era enterpresa aranesa Arantec Enginnering, que harà possibla a nivèu tecnic er escambi bidireccionau des donades, era frequéncia d'aquesiment des quaus serà cada 15 menutes pendent es 24 ores deth dia.
Es estacions idrometeorologiques deth Conselh Generau d’Aran son plaçades en Aiguamòg, Aubèrt, Betren, Escunhau, Joeu, Les, Pont d’Arró, Pont de Vielha, Pont deth Lop, Salient, Toran, Tredòs, Unhola, Valarties e Varradòs, mentre qu'es dera CHE son en Bossòst, Valarties e Arties, e es pluviometriques en Pla de Beret e Arties.
Pompièrs e Emergéncies d’Aran, qu'exercís es competéncies dera gestion des servicis d'emergéncies e proteccion civiu ena Val d’Aran, disposarà de totes es donades entara planificacion d'emergéncies, avisi as autoritats e poblacion, atau coma entara programacion e implantacion des recorsi operatius.
IMATGE: CONSELH GENERAU D'ARAN
Era experiéncia de 2013 metec en evidéncia eth besonh de completar es donades idrometeorologiques, generades peth conjunt des agents presents ena conca der arriu Garona, damb er objectiu de dar ua milhor responsa deuant episòdis extraordinaris de precipitacion o aumentacion de cabaus en cap dera conca.
Aguest acòrd aurà ua vigéncia de 4 ans, prorrogable per 4 ans mès. Un periòde de temps qu'a de perméter realizar es assagi, pròves e practiques de besonh entà qu'es resultats obtengudi siguen mès fiables.
Ena implementacion d'aguest convèni participe era enterpresa aranesa Arantec Enginnering, que harà possibla a nivèu tecnic er escambi bidireccionau des donades, era frequéncia d'aquesiment des quaus serà cada 15 menutes pendent es 24 ores deth dia.
Es estacions idrometeorologiques deth Conselh Generau d’Aran son plaçades en Aiguamòg, Aubèrt, Betren, Escunhau, Joeu, Les, Pont d’Arró, Pont de Vielha, Pont deth Lop, Salient, Toran, Tredòs, Unhola, Valarties e Varradòs, mentre qu'es dera CHE son en Bossòst, Valarties e Arties, e es pluviometriques en Pla de Beret e Arties.
Pompièrs e Emergéncies d’Aran, qu'exercís es competéncies dera gestion des servicis d'emergéncies e proteccion civiu ena Val d’Aran, disposarà de totes es donades entara planificacion d'emergéncies, avisi as autoritats e poblacion, atau coma entara programacion e implantacion des recorsi operatius.
IMATGE: CONSELH GENERAU D'ARAN
Clara Villar