Confirmadi 26 naui casi positius per COVID-19
26/01/2021
Era Val d'Aran a notificat 26 naui casi de Coronavirus enes darrères 24 ores.
Ath delà, cau regretar era mòrt d’ua persona de 71 ans ingressada ena planta COVID-19 der Espitau Val d’Aran.
Enes darrères 24 ores s’an amiat a tèrme ua alta e un nau ingrès ena planta COVID-19 der Espitau Val d’Aran, a on actuaument i a 7 persones ingressades pr’amor deth virus.
Eth govèrn deth Conselh Generau d’Aran rebrembe eth besonh seguir totes es mesures preventives establides pes autoritats sanitàries e recomane redusir ath maximom era interaccion sociau pendent aguestes setmanes.
HÒNT: CONSELH GENERAU D'ARAN
Laura Rodríguez